Nakasulod na sa Philippine Area of Responsibility (PAR) ang ginabantayan nga Low Pressure Area (LPA).
Apang manubo naman ang tyansa sini nga mangin Tropical Depression sa masunod nga 24 oras.
Ini ang ulihi nga nasiplatan sa kalayuon nga 655 km East sang General Santos City.
Gina-updan man ini sang Intertropical Convergence Zone (ITCZ) nga nagaapekto sa Mindanao.
Ang Intertropical Convergence Zone amo ang ang lugar sa diin ang hangin sang Northern Hemisphere kag Southern Hemisphere ay nagakit-anay kag nagaresulta sang malain nga panahon kaangay sang Low Pressure Area kag Bagyo.
Ang ikaduha naman amo ang Easterlies ukon ang mainit nga hangin halin sa dagat Pasipiko nga nagaapekto sa nabilin nga bahin sang pungsod.
Magadala naman ini sang mapaang nga panahon nga mabatyagan ilabi na sa hapon kag gab-i.
