Masako na sa pagpanghanda ang Iloilo City para sa Iloilo Bike Festival 2025 nga ginakabig nga pinakadako nga selebrasyon sang biking culture.
Sa interview sang Bombo Radyo kay Architect Welfredo Sy Jr., chairman sang Bike Festival 2025, iya ginpahayag nga kapin sa 150 ka bike organizations sa Iloilo ang ginalauman nga magpasakop.
Suno kay Sy, ginaengganyo man nila ang iban nga mga grupo halin sa Luzon para mag-intra sa festival.
Pila sa mga events sa Iloilo Bike Festival amo ang Food Trucks/ Mobile Cart Festival, Bike Exhibit, Bike Expo, Push bike race, bike clinic, BMX street competition, Grand Funride, Battle of the bands, i-bike to work, Tour de Iloilo, ambitious bike race, run-bike-run duathlon kag mega criterium race.
Magaumpisa ini sa May 30 kag magalawig tubtob sa Hunyo 15.
