Pilason ang 6 ka mga indibidwal sa Israel matapos nagtupa ang isa ka missile halin sa Yemen malapit sa terminal sang Ben Gurion Airport sa Israel.
Ginpahayag nga temporaryo nga gin-suspende ang mga flight sa airport, apang gilayon man ini nga ginbuksan.
Naghatag sang warning si Israeli Defense Minister Yoav Gallant, nga nagsiling nga magabalos sila sang pito ka beses.
Pahayag ni Gallant, “Anyone who hits us, we will hit them seven times stronger,”
Ang Houthi rebels halin sa Yemen ang nag-angkon sang responsibilidad sa pag-atake.
Suno sa spokesperson sang grupo, indi na safe ang airport para sa mga nagabyahe.
Bisan pa nga madamo nga missile attacks ang ginahimo sang Iran-backed Houthi rebels batuk sa Israel bilang suporta sa Hamas, padayon sagihapon ang pagdepensa sang Israel.
Padayon man nga gina-atake sang grupo ang mga barko sa Red Sea, apang ginahatagan man sang igtalupangod sang airstrikes gikan sa U.S. kag U.K.
