Antes pormal nga nagsugod ang Conclave, nagpanguna ang Dean sang College of Cardinals nga si Cardinal Giovanni Battista Re sa pag-deliver sang homily sa Mass for the Election of a Roman Pontiff ukon Pro Eligendo Romano Pontifice.
Ginpatigayon ini sa Saint Peter’s Basilica sa Vatican halin 4:00 kahapon sang hapon oras sa Pilipinas.
Magluwas sa mga cardinal, nagtambong man ang masobra lima ka libo nga mga tumuluo.
Sa amo nga selebrasyon sang misa, ginpaathag ni Cardinal Re nga ginapangabay ang Balaan nga Espiritu nga mag-ubay sa Cardinal-electors nga makapili sang Santo Papa nga kinahanglan sang Simbahan kag katawhan sa sining mabudlay nga mga tinion sa kalibutan.
Diri ginapahigad suno sa iya ang personal nga interes kag ginatugutan nga magpangibabaw ang Ginuo kag ang ikaayo sang katawhan kag Simbahan.
“We are here to invoke the help of the Holy Spirit, to implore his light and strength so that the Pope elected may be he whom the Church and humanity need at this difficult and complex turning point in history,” kabahin sang homily sini.
“To pray, by invoking the Holy Spirit, is the only right and proper attitude to take as the cardinal-electors prepare to undertake an act of the highest human and ecclesial responsibility and to make a choice of exceptional importance,” dugang pa sini.
“This is a human act for which every personal consideration must be set aside, keeping in mind and heart only the God of Jesus Christ and the good of the Church and of humanity.”
Kasunod sini, isa-isa man nga nagbasa ang cardinal electors sa Solemn Oath lakip na ang tatlo ka mga Pilipino — sanday Cardinal Luis Antonio Tagle, Cardinal Pablo Virgilio David, kag Cardinal Jose Advincula.
Halin sa Pauline Chapel, nag-martsa ang mga cardinal-elector pasulod sa Sistine Chapel samtang ginakanta ang “Litany of the Saints” kag ang hymn nga “Veni Creator Spiritus” agud nga pangabayon ang Balaan nga Espiritu nga ubayan sila sa desisyon.
Nagpanguna sa prusisyon ang krus, ginsundan sang choir, kag ang priest assistants to the Master of Ceremonies. Sa likod sini amo ang Secretary of the Conclave, ang cardinal nga amo ang naghatag sang opening meditation sa pagsirado sang Sistine chapel, ang Cardinal-electors, kag ang nagsunod amo ang Master of Ceremonies.
Sa cardinal electors, may tradisyon sa pagpasunod nga amo ang cardinal deacons, priests, kag ang bishops.
Ginproklamar naman ang Extra Omnes ukon “Everyone Out” bilang proklamasyon sa pagguwa sang iban nga personnel sa Sistine Chapel magluwas lamang sa mga cardinal electors.
Nag-deliver si Cardinal Raniero Cantalamessa sang meditation nga amo ang nag-imbitar sa cardinals sa pagpangamuyo kag discernment antes ang opisyal nga pag-umpisa sang eleksyon agud mapili ang magabulos kay Pope Francis.#
