Gin-aprubahan sang Department of Budget and Management (DBM) ang dugang nga P2,000 sa kumpensasyon para sa mga manunudlo kag iban pa gid nga poll workers sa May 12 national and local elections.
Bangud sini, ang gin-adjust nga honoraria rates sa magaserbe sa Electoral Boards amo na ang mga masunod:
- chairperson – nahimo na nga P12,000 halin sa anay P10,000
- poll clerk – nahimo na nga P11,000 halin sa anay P9,000
- 3rd member – nahimo na nga P11,000 halin sa anay P9,000
- support staff- nahimo na nga P8,000 halin sa anay P6,000
Suno kay Budget Secretary Amenah Pangandaman, ini nga adjustment ang kasunod sang nangin direktiba ni President Ferdinand Marcos, Jr.
Nagpanawagan man ang tiglikom sang Department of Budget and Management (DBM) sa tanan nga concerned agencies nga siguruhon nga madasig ang pagpaguwa sang kumpensasyon.
Nahibaluan nga ang budgetary requirement sa kumpensasyon sa poll workers sa idalom sang Fiscal Year 2025 General Appropriations Act ang nagadangat sa P7.480 billion.
Sandig sa data sang Commission on Elections (Comelec), may yara ini sang 758,549 nga workers para sa national and local elections.#
(Photo: Santi San Juan)
