Ginalantaw sang supporters kag television viewers nga magbalik sa pag-host sa game shows ang actor-host nga si Luis Manzano matapos ini napaslawan sa 2025 elections.
Nag-post si Luis sang poll sa iya social media pages agud nga magtipon sang komento sa fans kun ano nga palaguwa-on ang iya maayo nga balikan.
“Ano mas trip ninyo bumalik? ‘Rainbow Rumble,’ ‘Deal or No Deal,’ or ‘Minute to Win It’?” pahayag sini.
Game man nga nagsabat ang kaangay sini nga celebrities lakip na si Melai Cantiveros, asawa sini nga Jessy Mendiola, kag mga abyan kaangay kanday Daniel Matsunaga, Robi Domingo, kag ang actor-director nga si John Prats.
May iban naman nga nagapangabay na sa host nga indi na lang magsulod sa pulitika.
Nahibaluan nga base sa May 12 election results, nalutos si Luis sa Batangas vice gubernatorial race batok kay incumbent Gov. Dodo Mandanas. Daog naman ang iya iloy nga si Vilma Santos sa iya pagpa-eleher liwat bilang gobernadora sa amo nga probinsya.
