Ginhatok-hatok sang buno sang isa ka bana ang iya asawa gamit ang screwdriver sa Barangay Bagong Barrio, Guimba, Nueva Ecija.
Ang biktima amo si Zynnel Joy Pagaling, 34, isa ka Overseas Filipino Worker nga apat ka adlaw pa lang naakabot sa Pilipinas halin sa Riyadh, Saudi Arabia.
Samtang ang suspek naman amo si Manuel Diaz-Mendoza, 40, residente sang Sta. Rosa, Nueva Ecija.
Suno kay Ferly Pagaling, iloy sang biktima, ginaalegar ginbaid pa ni Mendoza ang screwdriver nga gin-gamit sa krimen.
Sa atubang mismo sang ila tatlo ka kabataan ginbuno sang suspek ang biktima sa dughan kag sa kilid nga bahin sang lawas sini.
Pahayag ni Ferly, nagsinggitan pa ang ila mga anak kag nagapakitluoy sa ila amay nga untaton ang ginahimo sa ila nga iloy.
Matapos ang krimen, ginkuha man sang suspek ang kwarta sang iya asawa nga yara sa P100,000.
Wala naman sang ihibalo ang pamilya sang biktima kun ano ang rason sa pagpatay sang bana sa iya nga asawa.
Natigayon naman nga maaresto ang suspek kag napreso subong sa Guimba Municipal Police Station.
