Nabaton na sang Kamara ang notice of the convening nga ginpadala sang Senado kaangot sa impeachment trial ni Vice President Sara Duterte.
Sa sulat, nakasaad nga ginapaabot ang prosecution team nga ipresentar sa Senado ang articles of impeachment sa Hunyo 2, 2025.
11 ang myembro sang House prosecution team lakip na si Third District Rep. Lorenz Defensor sang Iloilo; kag ang duha ka bag-o na-eleher nga mga kongresista nga sanday Atty. Chel Diokno kag Atty. Leila de Lima.
Suno kay House Speaker Martin Romualdez, nakasabat na sila kay Senate President Francis Escudero nga nagakumpirma nga nabaton nila ang notice.
Pebrero 5 sang gin-impeach sang Kamara si Sara, ginpasa gilayon ang articles of impeachment, apang wala pa naumpisahan ang trial bangud wala napasaka ang articles sa plenaryo sang Senado antes nagtakop ang sesyon sang amo man nga adlaw.
