Ginpakigbahin ni Senator Robin Padilla ang video sini samtang nagalakat sa The Hague, Netherlands kag samtang dala sini ang cardboard standee ni anay Presidente Rodrigo Duterte.
“Ang taong ito ang nagbigay sa akin ng utos na mag-senador at ginawa niya akong senador sa pahintulot ng taongbayan. Hindi pagsamba sa kanya bilang poon ang ginagawa kundi pasasalamat sa pagbuhat sa aking pagkatao nong ako ang nasa ilalim sa gulong ng buhay,” kabahin sang social media post sang senador.
Dugang sini, “ang pagbuhat ko sa larawan o ang pagpapakuha ko sa mga larawan ni Tatay digong ay tanda ng hindi paglimot sa taong ginamit ng Allah para akoy maging bagong tao.”
Sang nagligad nga adlaw, may post man si Padilla nga kaupod sini ang standee sang former president samtang nagapamahaw sa The Hague. Sa una nga post, ang caption sini amo ang: “Good vibes lang. Breakfast meeting kasama ang chairman ng Partido Demokratiko ng Pilipinas.”
Ini na ang ikaduha nga pagbalik ni Padilla sa The Hague matapos naaresto si Duterte sang Marso 11 bangud sa kaso nga crimes against humanity sa International Criminal Court.
Sang Marso, wala siya napasulod sa detention facility kun sa diin yara si Duterte, apang masami siya nagatinir sa guwa sang pasilidad agud ipakita ang iya suporta.
