Ginpabugal sang Association of Taxi Operators in Panay (ATOP) ang bag-o nga electric taxis sa Western Visayas.
Sa interview sang Bombo Radyo kay Perfecto Yap, Presidente sang Association of Taxi Operators in Panay, iya ginpahayag nga ang electric taxi ang nagapakita sang isa ka daku nga tikang padulong sa moderno kag tayuyon nga transportasyon.
Suno kay Yap, ang inisyatibo wala lamang nagasuporta sa sustainable practices kundi nagahatag man sa mga nagabiyahe sa adlaw-adlaw sang kahigayunan nga makaeksperyensya sang mga pagsakay sa Electronic Vehicle (EV), nga nagapabilin nga isa ka bag-o nga butang para sa madamo.
Ginpahayag man sini nga ang talatapan ang lubos nga nagasuporta sa inisyatibo sang sektor sang transportasyon sa paghatag sang kasulhay kag environment-friendly nga transportasyon.
Nagapati man ang natungdan nga magabuhin sa operational cost ang EV bangud nga wala na ini nagakinahanglan sang gasolina ukon gatong.
