Gin-anunsyo ni Israeli Prime Minister Benjamin Netanyahu nga ginpatay nila ang isa ka lider sang Hamas nga si Mohammad Sinwar.
Ini amo ang manghod sang napatay man nga lider sang Hamas nga si Yahya Sinwar nga amo ang mastermind sang Oktubre 2023 nga pag-atake sa southern Israel nga amo ang nangin rason sang pag-ibwal sang gyera sa Gaza.
Suno kay Netanyahu, si Mohammad amo ang target sang Israeli strike sa ospital sa southern Gaza subong nga bulan.
Natalana naman nga kumpirmahon sang militante nga grupo ang kamatayon sang isa sa ila mga lider.
Napasaka si Mohammad sa top ranks sang Palestinian militant group sang nagligad nga tuig matapos nga ginpatay sang Israel ang iya utod nga si Yahya.
Ang anunsyo ni Netanyahu ang ginhimo matapos ginpabaskog pa sang Israeli military ang ila nga war campaign sa Gaza matapos nga nagtakop na ang ceasefire agreement sang Marso 2025.
