Ginpakamalaot ang isa ka babaye sa Atlantico, Colombia bangud dululungan sini nga ginhimo nga nobyo ang pito ka mga pensiyonado nga senior citizens sa ila nga lugar.
Ang babaye amo si Lina nga taga-Barranquilla City.
Suno kay Lina, masami nga palpak ang iya mga relasyon kun kaedad niya ang iya nobyo.
Sa katuyuan nga makaangkon sang emotional kag financial stability ang iya nga love life, napaminsaran niya nga makigrelasyon sa mas tigulang sa iya.
Nahibaluan niya nga lalagson siya sang mga tigulang bangud may tupadbalay siya sadto nga mal-am nga nagapangaluyag sa iya.
Agud makakilala sang mga pensyonado, nakakadto siya sa mga lugar nga ginatambayan sang mga masubo ka single nga mga tigulang nga lalaki.
Bangud sa iya nga estratehiya, nakabunit siya sang pito ka boyfriends nga sanday Carlos, Simon, Jesus, Pablo, Manuel kag duha ka iban pa.
Sa pihak sang pagkamalaot sa iya, ginsiling ni Lina nga gina-enjoy lamang niya ang kabuhi kag samtang wala nagareklamo ang iya mga nobyo, padayunon niya ang pagpakig-relasyon sa mga ini.
