Opisyal nga nagpanumpa subong nga adlaw, Mayo 30, si Senator-elect Bam Aquino sa iya hometown sa probinsya sang Tarlac.
Ginpangunahan ni Conception Mayor Noel Villanueva ang pagpanumpa ni Aquino sa isa ka seremonya nga ginpatigayon sa Conception Municipal Government Center.
Nag-upod man sa okasyon si Tarlac 1st District Representative Jaime Cojuangco kag 3rd District Representative Bong Rivera.
Ginpahayag ni Sen.-elect Aquino nga wala siya sang iban nga lugar nga naisip nga mas angay ukon maayo para sa iya pagpanumpa kundi ang Conception, Tarlac, bilang iya pinalangga nga banwa.
