Arestado ang 15 tanan ka foreign nationals sa Lagos, Nigeria bangud sa kaso nga cyber-terrorism kag internet fraud.
Suno kay Economic and Financial Crimes Commission (EFCC) spokesman Dele Oyewale, 11 sa mga nadakpan ang mga pinoy, duha ang Chinese, isa ka Malaysian kag isa ka Indonesian.
Ang mga ini ang ginsentensyahan sang isa ka tuig nga pagkapreso kag ginpamulta sang tig-$630 kada isa.
Gin-akusaran ang mga ini sa pagpang-recruit sang mga kabataan nga Nigerians para sa identity theft.
Ginbansagan na nga internet fraudsters ang Nigeria nga pinakabantog nga pungsod sa Africa.
