Ginselebrar ni Vice President Sara Duterte ang iya ika-47 nga kaadlawan sa The Hague sa Netherlands sa tunga sang kontrobersyal nga impeachment case batuk sa iya.
Sa iya pahayag, ginkumpara ni Duterte ang trial sa isa ka “crucifixion” kag ginbansagan ini nga isa ka “bloodbath.”
Ginpahayag man sang Bise Presidente nga luyag niya nga magpadayon ang impeachment trial agud makit-an ang matuod.
Gin-athagy niya nga ang ginatawag niya nga “bloodbath” ginkasubo sang iban, apang ginpanindugan niya nga may konteksto ang iya mga tinaga.
Ginpabutyag man niya nga ang impeachment ang isa ka pulitikal nga pagpangguba.
Sa pihak sang mga isyu, ginpasiguro sang legal nga grupo ni VP. Sara nga handa sila sa impeachment trial, sa diin may natabo man nga diskusyon kun madayon pa ang ini bangud ang 19th Congress ang magatapos na subong nga bulan.
Ginbalhin naman ni Senate President Francis “Chiz” Escudero ang presentasyon sang articles of impeachment halin Hunyo 2 pakadto Hunyo 11 agud maghatag lugar sa mga importante nga legislative nga buluhaton.
Madumduman nga gin-impeach sang House of Representatives si Duterte sadtong Pebrero bangud sa mga isyu pareho sang paggamit sang confidential funds, posible nga may kaangtanan sa extrajudicial killings sa Davao City, kag sa controversial nga pahayag nga may gin-kontrata siya para patyon si President Ferdinand “Bongbong” Marcos Jr. kun ini siya ang mapatay.
