Magabalik na sa kumpetisyon ang Filipino superstar gymnast nga si Carlos Yulo.
Ang iya pagsabak sa 2025 Asian Artistic Gymnastics Championships sa Jecheon, South Korea amo ang iya una nga contest halin sang nabulsa sini ang duha ka gold medals para sa Pilipinas sa 2024 Paris Olympics sa France.
Si Yulo ang manguna sa team sang Pilipinas sa men’s gymnastics kag paga-updan man nanday Jhon Romeo Santillan, Justin Ace de Leon, Juancho Miguel Besana, kag John Ivan Cruz.
Lakip sa ila pasakupan amo ang team and all-around finals kag individual apparatus qualifications nga magasugod subong nga adlaw, Hunyo 5, kag magalawig tubtub sa Domingo, Hunyo 8.
Nagaserbe ang Asian championships nga qualifier sa 2025 World Artistic Gymnastics Championships sa Jakarta, Indonesia nga naka-schedule sa October 19 -25.
