Liwat nga nalakip ang Pilipinas sa listahan sang 10 worst countries para sa mga trabahante suno sa 2024 Global Rights Index nga ginpagwa sang International Trade Union Confederation (ITUC).
Ini na ang ikasiyam nga sunod-sunod nga tuig nga nalakip ang Pilipinas sa listahan sang mga pungsod nga may kalabanan nga paglapas sa mga kinamatarong sang mga trabahador, suno sa mga grupo pareho sang Kilusang Mayo Uno, Unyon ng mga Manggagawa sa Agrikultura, National Federation of Sugar Workers, Alliance of Concerned Teachers, Kilusan ng Manggagawang Kababaihan, Confederation for Unity, Recognition and Advancement of Government Employees, Public Services Labor Independent Confederation, Bukluran ng Manggagawang Pilipino (BMP), Migrante Philippines, kag Center for Trade Union and Human Rights.
Nalakip man sa listahan amo ang Bangladesh, Belarus, Ecuador, Egypt, Eswatini, Myanmar, Nigeria, Tunisia, kag Turkey.
Ang pinakadamo nga kaso sang paglapas sa Pilipinas amo ang karapatang magwelga (87%), ginasundan sang paglapas sa collective bargaining (80%), katungdanan sa pagpatukod kag pagsulod sa unyon (75%), kag hustisya (72%).
