Tatlo ka milyon nga mga box sang family food packs ang naka-preposition na sa masobra 900 ka mga warehouse sa bilog nga pungsod bilang preparasyon sa malain nga tyempo kag mga bagyo.
Suno kay Department of Social Welfare and Development (DSWD) Secretary Rex Gatchalian, kabahin ini sang โBuong Bansa Handaโ program nga nagasanto sa direktiba sang presidente nga handa ang supply chain sa tion sang kalamidad.
Nagmandu na ang tiglikom sa disaster response management group nga butangan gid sang food packs ilabi na ang mga rehiyon kun sa diin masami may baha kag mga bagyo.
Ini nga whole-of-nation approach suno sa ahensya amo ang nagapadasig sang pagresponde sang gobyerno kun may kalamidad agud nga mabuligan gilayon ang apektado nga mga pamilya.
Kahapon sang aga, Hunyo 6, sang nagsulod na sa Philippine Area of Responsibility (PAR) ang isa ka Low Pressure Area (LPA) kag ginalantaw nga mangin bagyo subong nga weekend.
Pagatawgon ini sa local name nga Auring nga amo ang mangin una nga bagyo sa Pilipinas sa 2025.
Ini nga potential tropical cyclone ang magahulag palapit sa Eastern Visayas kag Bicol subong nga Sabado kag buwas, Domingo, kag mahimo man sini pabaskugon pa ang southwest monsoon ukon habagat.
