Nabiktima sang sextortion ang isa ka 17-anyos nga babaye sa Pampanga matapos ginpakay-o ang naguba nga cellphone.
Sa imbestigasyon sang pulis, 2024 sang ginpakay-o sang dalagita sa suspek ang iya nga cellphone sang 2024.
Ang cellphone nagaunod sang mga sensitibo niya nga video kag pictures.
Sang damlag lang, nakabaton siya sang mensahe nga nagapamahog nga ipalapta ang mga pictures kun indi ini magpasugot nga magpakighilawas sa iya.
Suno pa sa pulis, sa kahadlok sang biktima, nagpasugot ini sa gusto sang suspek.
Samtang nagapakighilawas, may tabon ang nawong sang suspek samtang wala sang tabon ang nawong sang dalagita nga ginkuhaan pa gid sang lalaki sang video kag pictures.
Apang liwat nga namahog ang suspek kag ginhagad liwat ang biktima gani nanugid ini sa iya iloy kag nangayo sang bulig sa otoridad para maaresto ang suspek.
Didto na ginplano ang operasyon kag naaresto ang 26-anyos nga suspek sa isa ka hotel sa Arayat, Pampanga.
Nagatampi lang sang tuwalya ang suspek sang naabtan sang mga pulis samtang ginahulat ang dalagita.
Nagapangatubang sang sampaw-sampaw nga reklamo ang suspek.
