Gin-anunsiyo sang Department of Education (DepEd) nga umpisa subong nga tuig, makabaton na sang tuigan nga medical allowance nga nagabalor sang 7,000 ang mga manunudlo kag non-teaching personnel sang Department of Education (DepEd).
Kabahin ini sang ginpasangkad nga suporta sa ikaayong lawas sang mga empleyado sang gobyerno.
Katuyuan sini nga mabuhinan ang gasto sang mga empleyado sa pagpabulong kag mapaayo ang ila trabaho, ilabi na na sa mga lugar nga malayo kag delikado.
Suno pa kay Education Secretary Sonny Angara, pamaagi ini sang pagpakita sang pagpasalamat sa ila nga dedikasyon.
