Patay na sang masapwan ang 2-anyos nga bata nga lalaki samtang nagasubsob ang ulo sa balde nga puno sang tubig sa Quezon City.
Base sa imbestigasyon sang Quezon City Police District – Criminal Investigation and Detection Unit (QCPD-CIDU) nadiskubre ang bangkay sang biktima sa ila nga banyo.
Antes sini, nakit-an pa sang lola ang iya apo nga nagahampang.
Apang makaligad ang isa ka oras sang ginpangita niya ang iya apo, nakit-an na lang sini ang sitwasyon sang iya apo nga wala na sang kabuhi.
Gindala pa sa ospital ang biktima apang wala na natabangan pa.
