Madamo sang flights padulong sa isla sang Bali, Indonesia ang ginkanselar bangud sa paglupok sang bulkan Lewotobi Laki-Laki.
Nagbuga sang abo ang bulkan tubtob sa 11 kilometros ang kataason.
Bangud sini, ginpataas ang alerto kag gin-evacuate ang mga residente nga yara sa 7 kilometros nga radius sang crater sang bulkan.
Naglab-ot sa 37 ka flights ang kanselado bangud sa nasambit nga paglupok sang bulkan.
Wala naman sang may narekord nga pilason ukon napatay sa nasambit nga insidente.
Madumduman nga sadtong Nobyembre sang nagligad nga tuig, naglupok ang bulkan sa diin siyam ang napatay kag pila ka libo ka mga residente ang ginbakwit.
