Magabyahe si President Ferdinand Marcos Jr. padulong sa Japan agud magbisita sa World Expo 2025 sa Osaka kag magtambong man sa business meetings.
Sandig ini sa kumpirmasyon sang Presidential Communications Office (PCO) apang wala sang ginhatag nga eksakto nga petsa kun san-o magahalin ang presidente.
Sang Abril, matandaan nga nag-abot si Japanese Prime Minister Ishiba Shigeru sa Pilipinas para sa official visit kag siya mismo ang nag-imbitar kay Marcos nga magbisita sa Osaka Kansai Expo.
Abril 13 sang ginbuksan sa publiko ang World Expo 2025.
Suno sa Department of Tourism, masobra na sa 40,000 ka mga tawo ang nagbisita sa Philippine Pavilion sa sulod lamang sang siyam ka adlaw.
Magapadayon ang World Expo tubtub sa Oktubre 13, 2025.
