Nagpadala ang Estados Unidos sang Amerika sang dugang nga fighter planes sa Middle East nga amo ang ginalantaw nga demonstrasyon sang ila puwersa samtang nagapadayon ang away sang Iran kag Israel.
Lakip sa gina-monitor sa flight tracking data amo ang F-35 jets kag tanker aircraft samtang nga wala pa sang klaro kun maga-intra si US President Donald Trump sa sini nga kumplikto.
Ang F-35s ang nalakip sa pinaka-moderno nga warplanes sa kalibutan nga kilala sa kapasidad sini nga makalikaw sa enemy radar.
Ginalantaw nga ipalapta ini sang US sa ila mga base-militar sa Middle East nga yara sa Bahrain, Qatar, UAE, Kuwait kag Saudi Arabia.
Ginapahayag nga nagalab-ot na sa 30 US military planes ang aktibo sa sulod na sang nagligad nga tatlo ka adlaw sa mga parte sang Europa kag Mediterranean Sea. Lakip diri ang aircraft nga ginagamit sa reconnaissance, refuelling sa kahawaan, kag pagdala sang cargo.
Nahibaluan nga may fighter jets ang US nga nagapatrolya sang kinaandan sa Middle East agud nga maproteksyunan ang ila nga personnel kag installations.
Naka-heightened alert man ang mga base sang militar sa rehiyon kag nagahimo sang dugang nga security precautions.#
