Patay ang isa ka senior citizen matapos ginpaulanan sang bala sang apat ka mga wala makilal-an nga mga indibidwal sa Brgy Minapasok, Calatrava,Negros Occidental.
Ang biktima amo si Alyas Tolendoy, 63 anyos, kasado, mangunguma, residente sa nasambit nga lugar.
Sa imbestigasyon sang Calatrava Municipal Police Station, yara sa gwa sang balay ang biktima kag ang iya utod nga lalaki sang hinali nga nag-abot ang apat ka armado nga persona.
Hinali na lamang nila nga ginpa-ulanan sang bala ang biktima nga nag-angkon sang 10 ka igo sa lawas kalakip sa ulo,dughan, kilid, paa, kag tiil nga nagresulta sa iya kamatayon.
Narecover sa crime scene ang anom ka fired cartridges sang cal 45 pistol kag isa ka deformed bullet sang wala pa matumod nga armas luthang.
Matapos ang pagpatay, gilayon man nga nagpalagyo sa wala matumod nga direksyon ang mga suspect.
Gindala pa sa Calatrava Municipal Hospital ang biktima apang wala id nasalbar.
