Isa naman ka kadalag-an ang nalab-ot sang Bombo Radyo Philippines matapos napilian ang siyam (9) ka mga programa sang network bilang mga finalist sa ika-28 nga Kapisanan ng mga Brodkaster ng Pilipinas (KBP) Golden Dove Awards.
Isa ini ka prestihiyoso nga pagkilala nga ginahatag sang KBP sa mga pinakamaayo nga programa sa radyo kag sa broadcast industry sa bug-os nga pungsod.
Yari ang mga finalist halin sa Bombo Radyo Philippines:
Best Newscast – National: Bombo Network News (BNN)
Best AM Station – Provincial: Bombo Radyo Iloilo
Best Newscast – Provincial: Bombo Radyo Iloilo
Best FM Station – Metro Manila: Star FM Manila
Best Special Program: Star FM Manila kag Bombo Radyo Cauayan
Best Culture and the Arts Program: Bombo Radyo Iloilo
Best Science and Technology Program: Bombo Radyo Iloilo
Best Sports Program: Star FM Baguio
Ang pagpili bilang finalist sa sini nga mga kategorya amo ang ebidensya sang matuod-tuod kag tampad nga panindugan sang Bombo Radyo Philippines sa paghatag sang dekalidad kag mabaskog nga mga programa sa mga Pilipino.
Ini nga pagkilala indi lamang bunga sang kabudlay kag dedikasyon sang mga tawo sa likod sang mikropono, kundi halad man sa amon mga pinalangga nga mga tagpamalamati kag tumalan-aw sa bug-os nga Pilipinas kag bisan diin nga bahin sang kalibutan.
Basta Radyo, Bombo!
