Wala ginlauman sang isa ka babaye sa Thailand nga mabutang sa peligro ang iya kabuhi bangud gid lang sa isda nga iya ginkaon.
Suno sa report, duha ka semana na sang natulon sang babaye ang bukog sang isda.
Gintuyo nila nga kuhaon ini sa tanan nga paagi pareho sang pagkaon sang saging apang wala sang may natabo.
Nagkadto sila sa ospital kag nagpa-X-ray, apang wala sang nakita nga tunok ang doktor.
Samtang nagadugay, nagbanog kag nagsakit ang iya liog.
Sang ulihi, may nakit-an ini nga matig-a kag taliwis nga butang nga amat-amat nga nagagwa sa iya liog.
Sang nagtuhaw na ang punta sang bukog, nagbalik sila sa doctor kag didto na nakuha ang bukog sang isda.
Suno sa mga doktor, tumalagsahon ang ini nga kaso kun sa diin ang sikag mismo ang nagmato-mato pagwa sa lawas sang tawo.
