Nagapanawagan si Senator Joseph Victor “Senator” Ejercito sa House of Representatives nga dapat magpasa na sang ila kaugalingon nga version sang wage hike kun seryoso sila nga mapasugtan ini nga hagna para sa mga trabahador.
Suno kay Ejercito, yara na sa advanced stage ang measure sa 19th Congress, apang ang House of Representatives nagdugay sa pag-apruba kag ulihi na nila ini gin-submit sa Senado.
Gin-aprubahan sang House ang P200 nga daily minimum wage increase samtang P100 naman ang version sang Senado.
Bangud sang kakulang sang tion, wala na reconcile ang bicameral conference committee sa mga different provisions sang hagna.
Dugang pa sini, kun seryoso ang kamara, sang tuig 2024 pa lang dapat nakapasa na sila kag indi na kinahanglan nga i-certify para mapadasig ang proseso.
Sa 20th Congress naman, nagalaum si Ejercito nga madali na gid nga ma-aprubahan ang hagna.
Ginahingyo man ni Ejercito nga mapasakop ang wage hike bill sa priority legislation sang Legislative-Executive Development Advisory Council (LEDAC) para mapadasig ang pag-apruba sini.
