Ginaduso sa Senado ang hagna nga hatagan sang gobyerno sang bulanan nga P1,000 allowance ang mga estudyante.
Kun mangin layi ang “National Student Allowsance Program (NSAP) Act” ni Sen. Loren Legarda, ihatag ang allowance sa tanan nga naka-enroll nga estudyante nga Pilipino nga nakakuha sang minimum attendance requirements.
Ini para may idugang sa galastuhon sa pagkaon, pamasahe kag school supplies ang mga estudyante.
Ipadala ang allowance paagi sa student cards ukon digital vouchers nga mahimo nga gamiton sa mga accredited vendors pareho sang school canteen, transport providers kag school supply retailers.
Ginpahayag ni Legarda nga ang nasambit nga mekanismo ang magapat-ud nga ang allowance ang magamit para sa edukasyon sang kabataan kag mapataas ang school attendance agud mag-improve ang ila nga academic performance.
Gin-athag man ni Legarda nga ang nasambit nga allowance ang para lamang sa mga “school-related expenses.”
