Pilason ang pito ka mga lalake nga sakay sang isa ka depampasahero nga jeep kalakip ang driver sang nahulog ang ila nga ginasakyan sang nagbunggo sa gutter sang ginahimo nga taytay sa Dasmarinas City, Cavite.
Natabo ang insidente sa Brgy Fatima 3, Dasmarinas City, Cavite kun sa diin halin ang mga biktima sa iliman kag sang nagapauli na, naghagaday nga magkaon ang mga ini.
Pag-abot sa taytay, aksidente nga nabungguan sang driver ang gutter nga rason agud madulaan ini sang kontrol sa manibela kag nagdiretso sa under construction nga porsyon sang taytay kag nahulog.
Masuwerte naman nga wala nahulog sa madalom nga pil-as ang mga pasahero.
Ginabulong subong sa ospital ang mga biktima.
