Siyam ka mga tawo ang napatay matapos narumpag ang isa ka taytay sa Vadodara district, Guijarat state sa Western India, suno sa report sang mga otoridad.
Suno kay Health Minister Rushikesh Patel, pila ka mga salakyan ang nagalabay sa taytay sang ini ang narumpag.
Ang porsyon sang taytay nga natandog ang nagdala sang disgrasya kag nahulog sa suba.
May pila man ka mga tawo nga nahulog sa tubig apang gilayon nga gin-rescue sang mga otoridad.
Ginpahayag nga ang taytay, nga ginpatindog pa sang tuig 1985, posible nga nangguba bangud sa wala untat nga ulan sa nagligad nga mga adlaw.
Nagpalab-ot sang iya pagpakig-unong si Indian Prime Minister Narendra Modi sa mga pamilya sang mga biktima.
Nagmando man siya sang madalom nga imbestigasyon agud matumod ano gid ang matuod-tuod nga rason sang pagrumpag sang taytay.
Padayon pa ang mga rescue kag recovery operations sa lugar samtang ginapangita ang iban pa nga posible nga nadalahig sang insidente.
