Gin-appoint ni Pope Leo XIV si Archbishop Alberto Uy sang Tagbilaran bilang bag-o nga arsobispo sang Archdiocese of Cebu, suno sa pahayag sang Vatican.
Si Uy ang magapungko bilang ika-lima nga arsobispo sang Cebu, kag mangin manunodlo ni Archbishop Jose Palma nga nag-abot na sa edad nga 75 sadtong Marso, ang edad nga ginakinahanglan sang Simbahan para magsumiter sang resignation sa Santo Papa.
Ginsirbihan ni Palma ang Cebu bilang arsobispo sa sulod sang 14 ka tuig.
Antes sini, si Uy ang nagserbe bilang arsobispo sang Tagbilaran sa sulod sang siyam (9) ka tuig halin sang siya gin-install sang 2016.
Gin-ordenahan siya bilang pari sang Diocese of Talibon sang 1993.
Nakaangkon si Uy sang iya licentiate sa sacred theology sa Loyola School of Theology sa Quezon City, kag nagtuon man siya sa Pontifical Gregorian University sa Roma halin 2002 tubtob 2006, kun sa diin nakuha niya ang doctorate degree sa sacred theology.
