Isa ang subang nga anak ni President Ferdinand Marcos, Jr. nga si Ilocos Norte Rep. Ferdinand Alexander “Sandro” Marcos sa ginakonsiderar nga mangin masunod nga House Majority Leader para sa 20th Congress.
Suno kay La Union Rep. Paolo Ortega V, nagalutaw ang pangalan ni Sandro kag kuwalipikado gid ini sa amo nga posisyon. Dugang sini, madamo pa ugaling sang qualified members sa Kamara para sa amo nga mataas nga posisyon, apang kinahanglan gid lantawon ang work ethic.
“The name of [former] Senior Deputy Majority Leader Marcos is being floated around. He is very much qualified,” suno kay Ortega sa press conference. “But we’ll see, since there are many qualified members of the House for leadership positions. And regardless of the title, we need to see the work ethic. That is all I know so far,” dugang sini.
Pahayag pa sang kongresista, ginalantaw man nga factor sa pagpili sa House leadership positions ang seniority.
“It is also about being responsible, building relationships… We need teamwork to shepherd the passage of bills. The wealth of experience is considered, but it is combined with other factors. And as you’ve seen, we neophytes in the 19th Congress were provided enough training ground,” suno kay Ortega nga amo anay ang assistant majority leader sang 19th Congress.
Matandaan nga nagserbe si Sandro bilang Senior Deputy Majority Leader sang nagligad nga Congress nga amo ang iya una nga termino bilang mamalidha.
Nagpanguna naman sa 19th Congress si Leyte Rep. Martin Romualdez nga tiyo man ni Sandro kag amo ang ginabati-bati nga ma-eleher liwat sa posisyon bilang Speaker subong nga Congress.#
