Ginpasiguro sang Kamara nga indi nila pagpabay-an ang ila mga katungdanan kag responsibilidad bisan magasugod na ang impeachment trial batok kay Vice President Sara Duterte matapos nag-convene na ang Senado bilang impeachment court.
Sa interview sang Bombo Radyo kay House Deputy Speaker kag Iloilo 1st District Rep. Janette Garin nga nagaserbe man nga prosecution panel spokesperson, iya ginpahayag nga tutukan gihapon sang Kamara ang iban nga mga isyu kag problema sang pungsod kaangay sang fuel crisis kag madamo pa.
Suno kay Garin, padayon man ang paghimo sang mga layi para mabuligan ang mga komunidad nga nagakinahanglan sang bulig.
Gin-ako naman ni Garin nga dako ang tungdan nga papel sang mga private prosecutors nga magadugang sa pwersa sang prosecution panel sa impeachment trial.
Pahayag sang mga kongresista, sa subong madamo ang naga-volunteer nga mga abogado nga mangin kabahin sang team sang prosekusyon.
Dugang niya, pun-an sang sini man nga mga private lawyers ang iban nga papel sang mga House prosecutors sa impeachment trial ilabi na nga indi lang ini ang ila responsibilidad.
