Nagpasalig si President Ferdinand “Bongbong” Marcos, Jr.nga kumpleto ang iya mandu para sa government response diri sa Pilipinas apisar nga didto siya subong sa Estados Unidos sang Amerika para sa official visit kag para sa high-level meeting kay US President Donald Trump.
Pahayag sini, ginsugo niya nga magkoordinar gid ang mga opisina kag makadul-ong sang relief goods sa apektado nga mga residente.
“I gave the instructions for them to work and coordinate to ensure that all our kababayans are out of harm’s way, and that the relief goods are ready to be delivered,” suno sa punong ehekutibo.
Ginatumod sini ang Office of Civil Defense kag ang Departments of Transportation, Health, Science and Technology, Social Welfare and Development, Energy, Public Works and Highways kag ang Interior and Local Government.
Nagpahanumdom man ini nga dapat yara gid ang medical teams sa kada may distribusyon sang relief goods, kag dapat nga padayon ang suplay sang tubig kag kuryente.
“Ang mga relief goods ay nakahanda na, idine-deliver na doon sa mga area na nangangailangan. Yung mga medical team kasabay na rin no’ng ating mga relief goods at tinitiyak natin na mayroong transportasyon,” kabahin pa sang iya video message. “At siyempre ay tinitiyak natin na may sapat na supply ng tubig, sapat na supply ng kuryente at lahat ito ay para sa pangangailangan ng mga naging biktima nitong pagbaha at at malakas na ulan.”
Sa iya pa mensahe, nagpangabay man ang chief executive sa publiko nga sundon ang mga abiso sang local government units kag sang national government.
“Pakisundan lang po para naman matiyak natin na hindi kayo malalagay sa alanganin,” dugang sini. “Nandito kami lagi upang magbigay ng lahat ng serbisyo na kailangan sa harap ng hamon ng climate change. Siguraduhin natin mas lalo pang mapapalakas ang kakayahan ng pamahalaan na tumugon sa ganitong klaseng sitwasyon.”#
