Ginpangunahan ni Mayor Raisa Treñas ang Pre-Disaster Risk Assessment (PDRA) kaupod ang Iloilo City Disaster Risk Reduction and Management Council (CDRRMC) agud maistoryahan ang kahandaan sa gina-ekspektar nga Tropical Storm Dante kag Tropical Depression Emong.
Nag-upod mann sa amo nga sinapol ang Iloilo City Police Office, Bureau of Fire Protection, Philippine Coast Guard kag Iloilo City Health Office.
Base sa forecast sang Philippine Atmospheric, Geophysical and Astronomical Services Administration (PAGASA), mahinay tubtob mabaskog nga ulan kag pagbaha sa mga low-lying areas ang ekspektaran.
Nagpanawagan man ang alkalde nga magpreparar sa pag-evacuate, magpanghimos sang mga importante nga kagamitan agud nga makasaylo sa evacuation center ilabi na ang mga sa coastal areas nga lugar.
Proteksyunan ang pamilya, kagamitan kag ikaayong lawas. Sundon ang abiso sang city government para mangin safe ang kada isa.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
