Gin-report sang awtoridad nga 10 gid ka mga bombero kag rescue workers ang napatay samtang nagabulig nga matapna ang wildfire sa northwestern nga bahin sang pungsod.
Suno kay Forestry Minister Ibrahim Yumakli, natabo ang insidente sa kagulangan sang probinsya sang Eskisehir.
Magluwas sa mga napatay, may masobra man 10 nga forest workers kag volunteer rescue personnel ang na-trap rason nga nasamaran kag subong gindala na sa ospital para sa nagakaigo nga pagbulong.
Martes sang aga nagsugod ang sunog sa Seyitgazi district sang amo nga probinsya kag nag-amat-amat lapta sa kaiping nga mga lugar.
Nahibaluan nga nagdangat sa 40 degrees Celsius (104 degrees Fahrenheit) ang temperatura sa nagligad nga inadlaw kag may narekord nga mga sunog sa lima ka areas lakip sa Sakarya, Bilecik, Eskisehir, İzmir, Karabuk kag Manisa.
Nagpalab-ot naman sang simpatiya si Turkish President Recep Tayyip Erdogan sa X kasunod sang insidente. Post sini sa X, “I pray for God’s mercy on our brothers and sisters who fought at the cost of their lives to protect our forests, and I offer my condolences to their families and our nation.”#
