Ginklaro sang Korte Suprema nga wala pa nagsugod ang Judicial and Bar Council (JBC) sa formal vetting process para sa mga aplikante sa pagka-Ombudsman.
Ginpaguwa sang spokesperson sang Supreme Court nga si Atty. Camille Ting ini nga statement matapos ang nagalagaw nga mga espekulasyon nga gin-disqualify sang council si Justice Secretary Jesus Crispin Remulla para sa amo nga posisyon.
Suno kay Ting, premature ang reports nga may disqualification nga natabo; bangud sa subong, wala pa gani nabalhag ang official list of applicants nga ginakonsiderar.
“In response to some of your queries on whether the JBC disqualified SOJ Remulla from the Ombudsman position, the Judicial and Bar Council (JBC) has not yet commenced the vetting process, as the official list of applicants under consideration has yet to be published,” suno kay Atty. Ting.
Ang JBC isa ka body sa idalom sang Supreme Court nga amo ang may mandato sa pagsala sa mga aplikante sa Judiciary kag mataas nga mga posisyon sa Office of the Ombudsman.
Bilang kabahin sang proseso, gina-publish sini ang pinal nga lista sang applicants sa mga pwesto sa judiciary kag Ombudsman. Kun mabalhag na, iga-evaluate na ang mga candidates lakip na ang paghatag sang examinations kag pag-conduct sang interviews antes ang deliberation ukon disqualification.
Kun matapos ang screening, may yara na sang shortlist sang candidates nga amo ang ipasa sa presidente nga amo ang may gahum nga maghimo sang final appointment.
Una na nga ginpahayag ni Remulla nga indi siya mag-“give up” sa iya ang application.
Sa nagaguwa nga reports, gin-disqualify si Remulla bangud sa pending case nga naaangot sa ginaalegar nga violations nga na-commit bangud sang pagtugyan kay former President Rodrigo Duterte sa International Criminal Court (ICC).
Nahibaluan nga bakante ang posisyon sang Ombudsman matapos nga nagtakop na sang Hulyo 27 ang pito ka tuig nga termino ni Samuel Martires nga appointee ni Duterte.#
