Ginbuyagyag sang kilala nga aktres kag direktor nga si Gina Alajar nga nakagamit siya sang ilegal nga droga sang siya ang bata-on pa, kag gin-ako man nga naadik siya sini bangud sang madugay ang iya filming hours.
Ginpahayag ini ni Alajar sa isa ka interview upod kay Luchi Cruz-Valdes sa YouTube channel.
Suno kay Alajar, nagsugod ang tanan sang ginpamangkot siya ni Cruz-Valdes kun nakaagi man siya sang ginatawag nga “child actor syndrome”, isa ka kondisyon nga ginalakipan sang mga problema kag kabudlayan sa personal nga kabuhi sang mga nagsugod sang showbiz sang ini bata pa lang.
Ginklaro man ni Alajar nga isa ka tawo ang nag-engganyo sa iya sang droga.
Una, marijuana lang ang iya na-eksperyensyahan, apang sang nagdugay na, nagsugod siya nga nangin interesado sa iban pa nga klase sang droga.
Gin-ako man sang aktres nga ini nga bisyo ang isa sa mga rason sang pagkaguba sang iya kasal sa anay bana nga si Michael de Mesa.
May tatlo sila ka kabataan nga amo sanday Ryan, Geoff, kag AJ Eigenmann nga aktor man subong.
