Nakadaog na gid man ang Gilas Pilipinas sa isa ka hampang sa nagapadayon nga 2025 FIBA Asia Cup!
Makaginhawa na gamay ang Filipino basketball fans matapos nga na-secure na ang pwesto sang national team sa knockout playoffs kasunod sang kadalag-an batok sa Iraq, 66-57, sa do-or-die match subong nga hapon sa King Abdullah Sports City sa Jeddah, Saudi Arabia.
Ginauyatan sang squad ni Coach Tim Cone ang No. 3 seed sa Group D, kag atubangon sini ang second seed sang Group C sa knockout round.
Kun sin-o man ang magadaog sa amo nga sambuwa, maga-abante ini sa quarterfinals kag maatubang sa top seed sang Group A.
Nanguna sa Nationals ang star guard nga si Dwight Ramos nga may 21 points kag five rebounds. Ginsalo sini ang masami nagapanguna nga si Justin Brownlee nga binudlayan subong nga matchup nga naka-skor lamang sang eight points sa 3-of-12 shooting from the field nga may seven boards kag four dimes.
33-33 ang skor sa halftime.
Si Ramos ang naghatag sang momentum sa Gilas paagi sa duha ka tres nga naghatag sa team sang 41-35 lead, tubtub nga nag-asud-asud na ang scores kag nakadangat sa 18-points ang abanse sang Pilipinas.
Naglagas pa ang Iraq kag napanubo sa syete puntos ang lead, 57-50, paagi sa baslanay nanday Thulfiqar Hammoodi kag Mohammed Almahdi Abbas sa fourth quarter. Apang nagbalos si Calvin Oftana sang three-pointer agud mabalik ang 10-point lead, kag nangin kumportable na ini nga abanse sa Gilas agud dalayon nga ma-sustain ang hampang.
Antes ini nga showdown, duha ka beses nga nalutos ang Gilas sa kamot sang Chinese Taipei kag New Zealand.#
