Ginpa-athag ni President Ferdinand Marcos Jr. nga ”premature” pa ukon temprano pa ang pagbuyagyag sang pangalan sang mga opisyal nga posible nga may kaangtanan sa maanomalya nga flood control projects.
May kaangtanan ini sa pagpangalan sang presidente sa top 15 contractors nga may pinakamadamo nga flood control project sa pungsod.
Top 15 contractors with the most flood control projects:
- Legacy Construction Corporation
- Alpha & Omega Gen. Contractor & Development Corp.
- St. Timothy Construction Corporation
- QM Builders
- EGB Construction Corporation
- Topnotch Catalyst Builders Inc.
- Centerways Construction and Development Inc.
- Sunwest, Inc.
- Hi-Tone Construction & Development Corp.
- Triple & Construction & Supply, Inc.
- Royal Crown Monarch Construction & Supplies Corp.
- Wawao Builders
- MG Samidan Construction
- LR. Tiqui Builders, Inc.
- Road Edge Trading & Development Services
Suno sa iya, nagasugod pa lang ang imbestigasyon kag ginatinguhaan nga mahibaluan ang kabug-usan sang isyu, lakip na ang mga โghostโ kag palpak nga proyekto.
Ginahingyo man sang Presidente ang publiko nga magpadala sang video ukon litrato sang mga proyekto nga may problema sa ila lugar.
Ginpasalig ni PBBM nga tanan nga report ila i-assess kag i-validate, labi na kung may political angle.
Pero kun may nagakaigu nga ebidensya,gilayon nga magahimo sang tikang ang otoridad.
Ginpaandam man niya nga patas ang proseso kag ipaagi sa due process ang mga opisyal nga maulamid.
