Ginkakasan na sang pondo ang Ayuda Para sa Kapos ang Kita Program (AKAP) program sang Department of Social Welfare and Development (DSWD) sa idalom sang proposed P6.793 trillion nga 2026 national budget.
Ini ang ginkumpirma ni Department of Budget and Management (DBM) Secretary Amenah Pangandaman.
Ang AKAP ang una nga ginpakilala sang 2023 ni Speaker Martin Romualdez kag anay House Appropriations Chairman Rep. Elizaldy Co.
Katuyuan sini nga maghatag sang pinansyal nga ayuda sa mga minimum wage earners nga pigado nga mga Pilipino nga apektado sang nagtimbuok nga inflation.
Gin-ulan naman sang kritisismo ini nga ginpahayag nga “pet project” ni Romualdez nga nalakip sa national budget sang 2024 nga may pondo nga P26 billion kag amo man sa 2025.
Suno kay Pangandaman, wala na ginpondohan ang AKAP para sa 2026 bangud sa limitado nga fiscal space.
Samtang, may pondo naman nga P113 bilyon ang Pantawid Pamilyang Pilipino Program ukon 4Ps ka Tulong Panghanapbuhay sa Ating Disadvantaged Workers (TUPAD) Program.
