Gin-aresto sang otoridad sa Espanya ang isa ka lalaki matapos niya nga ginsunog ang isa ka café bangud lang nga ginhambal sang staff nga naubos na ang mayonnaise.
Natabo ang insidente sa Los Palacios y Villafranca, Seville.
Ginpahayag nga nagakaon ang 50-anyos nga suspek kaupod ang iya anak sang nangayo siya sang mayonnaise para sa iya nga sandwich.
Sang nagsiling ang waiter nga wala na sang mayonnaise, nangakig ini kag nagbiya.
Nagbakal ini sang isa ka botelya sang gasoline kag nagbalik sa café.
Liwat siya namangkot kun may mayonnaise kag sang nagsiling liwat ang staff nga wala na sang nabilin, ginbubuan niya sang gasolina ang bar kag ginsindihan.
Natabuan man nga puno sang customer ang cafégani nagdinalagan sila pagwa.
Madasig naman nga napalong ang kalayo.
Natigayon naman nga madakpan sang kapulisan ang suspek matapos nagpalagyo.
