Ipatawag sang tatlo ka komitiba sa Kamara ang pila ka personalidad kaangot sa imbestigasyon sa mga maanomaliya nga flood control projects, kalakip si Ako-Bicol party-list Rep. Zaldy Co.
Ini pananglitang nga may makita nga mapag-on nga ebidensya nga magaangot sa iya sa mga ini.
Suno kay House Committee on Public Accounts kag Bicol Saro party-list Rep. Terry Ridon, obligado nga ipatawag si Co kun mapamatud-an nga may kaangtanan siya sa mga kuwestiyonable nga kontrata.
Naghalin ang pahayag matapos ang alegasyon ni Navotas Rep. Tobias Tiangco nga si Co ang ginatudlo sini nga nagduso sang bilyones nga pondo para sa mga proyekto sa idalom sang 2025 national budget kag sa iya nga termino bilang appropriations chairperson.
Apang suno kay Ridon, mas nagakaangay nga istoryahan ang mga isyu ni Tiangco sa House Committee on Appropriations, kag indi sa tatlo ka panel nga nagaimbestigar sa mga flood control projects.
Dugang niya, ang importante para sa publiko amo ang salabton sa mga maanomaliya nga proyekto.
Ginpunto man ni Ridon nga kun luyag ni Tiangco nga busision ang budget insertion, dapat siya nga mag-file sang separado nga resolusyon.
