Nasapwan nga patay ang isa ka TikTok star kaupod ang iya bana kag duwa ka kabataan sa sulod sang isa ka pickup truck sa Mexico.
Ini amo ang social media influencer nga si Esmeralda Ferrer Garibay, iya bana nga si Roberto Carlos Gil Licea, ila 13-anyos nga bata nga lalaki nga si Gael Santiago kag pito ka tuig nga bata nga babaye nga si Regina.
Nakit-an ang ila mga lawas sa isa ka abandonado nga salakyan sa Guadalajara.
Base sa inisyal nga imbestigasyon, ginpatay ang mga biktima.
Natabo ang trahedya duwa ka bulan matapos sila nagsaylo sa lugar para sa trabaho.
Ginapatihan nga naangot sa negosyo ni Licea nga “buy and sell” sang salakyan ang rason sa insidente.
