Nagapati si anay presidential spokesman Atty. Harry Roque nga may yara sang nagakaigo nga basehan sa Rome Statute para hingyuon ang pagbasura sang kaso batok kay anay Presidente Rodrigo Duterte.
Ginpagguwa ni Roque ang pahayag sa iya live video broadcast matapos hingyuo sanf defense counsel sang anay Presidente nga i-adjourn indefinitely ang tanan nga legal peoceedings sa iya sa International Criminal Court (ICC).
Ini bangud suno sa depensa, may “significant cognitive deficiencies” si Duterte kun sa diin ultimo myembro sang iya pamilya kag defense team ang indi na niya madumduman kag indi maproseso ang nature sang hearing batok sa iya.
Bilang basehan, ginpunto ni Roque ang pila ka probisyon nga nakabutang sa Rome Statute mga kaangtanan sa human rights kag interest of justice kun sa diin dapat suni sa iya nga mabasura ang kaso kun indi na makaya sang anay Presidente nga atubangon ang mga kaso bato sa iya.
