Nagahanda na ang kampo ni Senador Joel Villanueva para pasakaan sang kaso ang detained engineer nga si Brice Hernandez matapos siya nga gin-ulamid kag gintudlo nga isa sa mga Senador nga nagabaton sang komisyon halin sa mga flood control projects sa Bulacan.
Suno kay Villanueva, nagatipon pa sang mga ebidensya ang iya nga mga abogado para pamatud-an ang ila nga kaso.
Hugot niya ginpanginwala ang akusasyon kag ginpanindugan nga handa siya nga maghatag sang waiver agud mabuksan kag malantaw ang iya nga mga bank account bilang pamatuod sang iya pagka-matinlo.
