Ginkasuhan sang actress nga si Nadia Montenegro ang isa ka empleyado sang Senado kag pila ka mga media outlet.
Ini may kaangtanan sa alegasyon nga nadakpan ini nga nagagamit sang marijuana sa sulod sang comfort room sang Senate building.
Kaso nga libel ang ipasaka sini sa batok sa pila ka mga media outlets samtang kaso naman nga unjust vexation batok sa isa ka empleyado sang Senado nga nag-akusar sa iya.
Ginpasaka niya ini sa Pasay City Prosecutors’ Office.
Suno sa abogado sang actress nga ang mga impormasyon nga ginpalapta batok kay Nadia ang wala sang kamatuoran kag malisyoso.
Pahayag man sang actress nga masarangan sini nga magbuya sa puwesto bilang empleyado sang Senado ang indi para mag-ako nga guilty kundi para nga wala sang may madalahig nga iban.
Isa man sa rason sa pag-resign sang actress amo ang pagpakita sang respeto sa opisina ni Senator Robin Padilla kun sa diin siya naga-ubra kag amo man sa imahe sang Senado.
