Target sang Pilipinas kag Japan nga i-revisit ang pagtuon sang 2014 angot sa epekto sang mabaskog nga linog halin sa West Valley Fault.
Suno kay Dr. Teresito Bacolcol, director sang Philippines Institute of Volcanology and Seismology (PHIVOLCS), plano liwat nga buksan ang amo nga pagtuon sa tunga nila sang Japan International Cooperation Agency (JICA) sa masunod nga tuig.
Ang amo nga pagtuon ang 20 na ka tuig kag madamo pa ang populasyon sa Metro Manila.
Suno kay Dr. Bacolcol, ginpatigayon sang 2004 pa ang pagtuon nga ginatawag nga Metro Manila Earthquake Impact Reduction study nga ginpondohan sang Japan, kun sa diin naplastar diri ang risk assessment sa possible nga magnitude 7.2 nga linog halin sa West Valley Fault.
Pahayag pa sang opisyal nga kun maghulag na ang West Valley Fault, ang bug-os nga rehiyon ang makabatyag sang yara sa Intensity 8 nga pagtay-og.
