Ginbulgar sang Commission on Elections (Comelec) nga may apat ka senatorial candidates sa May 2025 elections ang nakabaton sang campaign donations nagikan sa mga kontraktor.
Suno kay Comelec chairperson George Erwin Garcia, magluwas sa pito ka senatorial candidates, may yara pa sang duha ka partylist organizations.
21 tanan ka mga kontraktor ang gin-flag sang Comelec suno kay Garcia bangud sang amo nga rason.
“Sa 21, nasa anim o pito ang involved na mga kandidato. National at mayroong party-lists,” pahayag sini.
Nauna na nga ginpahayag sang poll body nga nag-umpisa na ini sang imbestigasyon sa Statement of Contributions and Expenditures (SOCEs) sang mga kandidato sang nagligad nga piniliay.
Nagahulat man ang Comelec sang certification nagikan sa Department of Public Works and Highways (DPWH) agud matumod kun government contractors ang 55 ka mga kontraktor nga ginaalegar nga nagdonar sa mga kandidato.#